Dy të vdekur në një aksident në Shkodër

Dy persona humbën jetën mëngjesin e sotëm në Shkodër, si pasojë e një aksidenti rrugor.

Ngjarja ndodhi rreth orës 06:30 në zonën e quajtur Ura e Bardhajve,  ku bëhet e ditur se dy persona,  kanë gjetur vdekjen. Një automjet fuoristradë tip “Nissan” me targa AX 188, nën drejtimin e 33-vjeçarit Vat Fusha, humbi kontrollin duke dalë nga rruga. Për pasojë gjetën vdekjen pasagjerët N. K., 18 vjeç dhe A. S., 20 vjeç.

Gjithashtu mbetën të plagosur drejtuesi i automjetit si dhe pasagjerët T. K. 34 vjeç, dhe  A. S. 25 vjeç, ku nga të dhënat paraprake bëhet e ditur se janë jashtë rreziku për jetën. Deri më tani janë të paqarta rrethanat e aksidentit rrugor, ndërsa policia ka mbërritur në vendin e ngjarjes, ku ka nisur punën për zbardhjen e plotë të shkaqeve të aksidentit.