E BUJSHME! I dërguari special i Trump kërkon Italinë në Botëror, në vend të Iranit

I dërguari special i Donald Trump, Paolo Zampolli, i ka kërkuar FIFA-s të zëvendësojë Iranin me Italinë në Botërorin 2026. Sipas “Financial Times”, plani “është një përpjekje për të riparuar marrëdhëniet mes Trump dhe kryeministres Giorgia Meloni”, pas sulmeve ndaj Papës për luftën në Iran.

“Konfirmoj se i kam sugjeruar Trump dhe Gianni Infantino të zëvendësojnë Iranin me Italinë në Botëror. Do të ishte ëndërr t’i shihnim axurrët në SHBA. Me katër tituj, ata kanë kredenciale për ta justifikuar përfshirjen”, – tha Zampolli.

Zampolli është sipërmarrës italian në modë dhe pasuri të paluajtshme, i njohur për lidhjet në SHBA dhe afrimitetin me Trump. Në vitet 1990 ai ndihmoi në futjen e Melania Trump në elitën e Nju Jorkut. Ka mbajtur edhe role diplomatike për Saint Kitts dhe Nevis.

Një precedent i tillë ekziston më 2022, ndaj përfaqësuesi amerikan i kërkoi Infantinos përjashtimin e Iranit: “Bota pret veprimin tuaj për ta skualifikuar Iranin… Ëndërroj ta shoh Italinë kundër Anglisë pas skualifikimit. Italia është e para mes të mbeturve jashtë Botërorit në renditjen e FIFA-s”.

Ministri i sportit i Iranit: Mund të merret vendimi për të mos shkuar në Botëror