E përplas makina, humb jetën 52-vjeçari në Tiranë
Një aksident me pasojë vdekjen ka ndodhur në orët e mbrëmjes, pranë vendit të quajtur Kthesa e Arbanës.
Mjeti me targë TR 3971 J dhe me drejtues shtetasin 24-vjeçar Gert Dorzi, ka humbur kontrollin dhe ka aksidentuar një këmbësor.
Ky i fundit, 52-vjeçari A.M. ka humbur jetën si pasojë e përplasjes së fortë, ndërsa drejtuesi i mjetit bashkë me një pasagjer, kanë mbetur të plagosur.
Në vendngjarje ka mbërritur menjëherë policia dhe ambulanca, që ka transportuar të plagosurit në spital, ndërsa raportohet se ata janë jashtë rrezikut për jetën.
Grupi hetimor po punon për zbardhjen e shkaqeve të aksidentit me pasoja fatale për 52-vjeçarin.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.