E vërteta pas takimit të Michael B. Jordan me Raye

Takimi i Michael B. Jordan dhe këngëtares britanike Raye në Six Flags ka nxitur thashetheme për një romancë të re në Hollywood, por burime pranë tyre kanë mohuar çdo lidhje sentimentale.

Sipas Page Six, dyshja janë vetëm miq dhe po bashkëpunojnë profesionalisht. Raye po punon për kolonën zanore të një projekti filmik ku është i përfshirë Michael B. Jordan.

Videoja virale në TikTok, ku ata shiheshin duke qeshur dhe biseduar ndërsa prisnin të hipnin në një rollercoaster në Six Flags Magic Mountain pranë Los Angelesit, bëri që shumë fansa të mendonin se mund të ishin çifti më i ri i Hollywood-it.

Megjithatë, burimet thonë se takimi kishte lidhje me punën dhe jo me jetën personale.

Nuk dihet ende se për cilin film Raye po kontribuon me muzikë, por Michael B. Jordan ka disa projekte të mëdha në zhvillim, mes tyre “The Thomas Crown Affair”, “Rainbow Six”, “Miami Vice ’85”, si edhe “I Am Legend 2” dhe “Creed 4”.

Që prej ndarjes nga Lori Harvey në vitin 2022, aktori i “Black Panther” nuk është lidhur zyrtarisht me askënd, ndërsa Raye ka qenë më herët në qendër të spekulimeve për lidhje me Drake dhe Lewis Hamilton.