Eduard Selami: Qeverisja e dobët por opozita nuk ngjall shpresë

Një nga zërat më seriozë në Partinë Demokratike, Eduart Selami, ka kritikuar ashpër kreun e PD­-së, Lulzim Basha.

Sipas tij, opozita nën drejtimin e Bashës, edhe pse gjendet përballë një qeverisje shumë të keqe, nuk ngjall shpresë. Duke folur në një intervistë për “Zërin e Amerikës”, Selami tha se Basha ka zhgënjyer demokratët.

“Qeveria “Rama­-Meta” është me e keqja e viteve të fundit, mirëpo opozita akoma nuk ofron alternativë dhe nuk ngjall shpresë. Kjo për shkak të lidershipit të PD-­së. Ai nuk ngjall shpresë, ndaj edhe kjo qeveri rri në këmbë në një kohë kur shqiptarët lartohen për azil ekonomik në vendet e BE­së”, tha Selami.

“Lidershipi i PD­-së më ka zhgënjyer mua dhe një pjesë të mirë të demokratëve”, vijoi me tej ai. Edhe Gazmend Oketa në një intervistë të dhënë ditën e sotme, shprehej pikërisht kështu, që kjo opozitë nuk ngjall asnjë shpresë.