Ekonomia shqiptare ka përshpejtuar ritmet e rritjes në tremujorin e parë të vitit, në sinkron me një rritje të ndjeshme të investimeve të huaja direkte që dominuan në sektorin e energjisë dhe kryesisht nga gazsjellësi TAP, sipas Bankës Qendrore.
Sipas të dhënave të INSTAT, Prodhimi i Brendshëm Bruto (PBB) në tremujorin e parë të vitit u rrit me 4.45% në krahasim me të njëjtin tremujor të vitit të mëparshëm, nga më pak se 4% që ishte rritja për vitin 2017.
INSTAT raporton se ndikim pozitiv kanë dhënë të gjithë sektorët, por kryesor këtë rritje energjia me një ndikim prej 2.45 pikë përqindje.
Në tremujorin e parë të vitit, raporton Instituti i Statistikave është rritur eksporti energjisë elektrike, favorizuar nga moti me reshje. Ndërkohë që aktiviteti i energjisë elektrike u rrit me 66.4% në tremujorin e parë 2018, kundrejt të njëjtës periudhë një vit më parë.
Gjithashtu edhe ritme pozitive në këtë periudhë ka shënuar edhe shitja e naftës dhe mineraleve.
Ndërsa tregtia, transporti, akomodimi dhe shërbimi kanë ndikuar me 0.54 pikë përqindje në rritjen ekonomike dhe Akomodimi dhe Shërbimi Ushqimor, u rrit me 19,22 %
Sipas INSTAT ndërtimi kontribuoi në këtë 3-mujor me 0.17 pikë përqindje ndërsa ecuri pozitive ka shënuar dhe bujqësia që u rrit me 0.37%.
Me rënie ka qenë dhe aktiviteti financiar dhe i sigurimeve, por INSTAT sqaron se ka pasur ndikim kursi i këmbimit, pasi në vlerë nominale, i zhveshur nga efektet e kursit, sektori ka rezultuar me rritje.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.