Elbasani zyrtarizon Kleandro Lleshin, një alternativë më shumë për mbrojtjen dhe mesfushën

Kleandro Lleshi është futbollisti më i ri i Elbasanit, që mbetet aktiv në merkaton e verës. Vetëm pak ditë më parë verdheblutë prezantuan mesfushorin Ardit Deliu, një lojtar më shumë eksperiencë në futbollin shqiptar.

Lleshi së fundi ishte pjesë e Tiranës, ndërkohë që më parë ka veshur fanellën e Laçit dhe të Kukësit. Ai luan në dy pozicione, në qendër të mbrojtjes, por edhe si mesfushor mbrojtës, kështu që trajneri Ivan Gvozdenoviç do të ketë një alternativë më shumë në këto dy reparte.

Elbasanasit kanë bërë shumë ndryshime në krahasim me skuadrën e sezonit të fundit dhe tani gjithçka mbetet të shihet në kampionatin që nis këtë fundjavë. Verdheblutë ndeshjen e javës së parë e kanë në fushën e Laçit