FMN-ja i kërkon G20-s masa të forta për të shmangur rritjen e ulët të ekonomisë botërore

Fondi Monetar Ndërkombëtar publikoi të enjten një raport monitorimi për samitin e G20-s, në të cilin u bën thirrje vendeve të ndryshme këtij grupimi të marrin masa të forta e të gjithanshme, për të nxitur rritjen e vazhdueshme, të madhe dhe gjithëpërfshirëse të ekonomisë botërore.

FMN-i vëren në raport se kohët e fundit aktiviteti ekonomik global është dobësuar, rritja ekonomike është ngadalësuar dhe inflacioni vazhdon prirjen e rënies, shenja këto që tregojnë se perspektiva e ekonomisë botërore është jo optimiste. Rënia e investimeve dhe mungesa e reformës strukturore janë arsyet kryesore të rritjes së ulët ekonomike.

Në raportin e FMN-së u sugjerohet vendeve anëtare të G20-s të marrin masa për të nxitur rritjen e kërkesës, duke përfshirë reformën e mëtejshme strukturore, dhe të forcojnë zbatimin e politikave financiare dhe monetare.

Gjithashtu në raport u bëhet thirrje këtyre vendeve të forcojnë bashkëpunimin, të nxitin më tej globalizimin, të stabilizojnë rolin e tregtisë në rritjen ekonomike dhe të pakësojnë kostot dhe barrierat tregtare.