FOKUS – Netanyahu në vizitë zyrtare në Uashington, pritet të takohet me Trump

JERUZALEM, 24 korrik /ATSH-DPA/- Në një kohë tensionesh të larta në Lindjen e Mesme, kryeministri izraelit Benjamin Netanyahu pritet të takohet të martën e ardhshme, me presidentin amerikan Donald Trump në Shtëpinë e Bardhë.

Sipas Zyrës së Shtypit të Qeverisë izraelite, Netanyahu do të udhëtojë drejt SHBA-së të hënën, me ftesë të presidentit Trump.

Gjatë vizitës së tij, kryeministri izraelit do të marrë pjesë edhe në një ceremoni përkujtimore kushtuar senatorit republikan të ndjerë Lindsey Graham, i cili konsiderohej një mbështetës i fortë i Izraelit.

Vizita zhvillohet në një periudhë të tensionuar në Lindjen e Mesme, pasi Izraeli dhe Shtetet e Bashkuara të Amerikës nisën së bashku një operacion sulmesh kundër Iranit në fund të shkurtit.

Çështjet kryesore që pritet të diskutohet janë; situata e sigurisë në rajon dhe përballja me Iranin; koordinimi ushtarak dhe politik mes Izraelit dhe SHBA-së; si dhe zhvillimet në konfliktet e tjera rajonale, përfshirë luftën në Gaza.

Takimi vjen në një moment kur Uashingtoni dhe Tel Avivi po përpiqen të përcaktojnë hapat e ardhshëm ndaj Iranit dhe aleatëve të tij në Lindjen e Mesme. /