FSK nesër shënon “Ditën e Forcës”

Forca e Sigurisë së Kosovës njofton se organizimi i manifestimit qendror në shënimin e Ditës së saj bëhet nesër, me 27 nëntor.

Manifestimi Qendror mbahet në Kazermën “Adem Jashari” në Prishtinë, duke filluar nga ora 11:00.

Në manifestimin qendror pritet që të marrin pjesë personalitetet më të larta politike dhe ushtarake si dhe përfaqësues të pranisë ndërkombëtare në Prishtinë.

Po ashtu kazerma “Adem Jashari” do t’i hapë dyert edhe për qytetarët e Kosovës, që duan t’i vizitojnë pjesëtarët e FSK-së.

Kjo ditë quhet “Dita e hapur e FSK-së” si dhe fillon nga ora 10:00.

“Dita e Forcës” shënohet edhe në të gjitha kazermat e FSK-së dhe ambientet e FSK-së do të jenë të hapura për qytetarët e Kosovës në Prishtinë, Mitrovicë, Ferizaj, Gjilan, Prizren, Istog dhe Bardhi i Vogël.