Gazetari nga SHBA-ja: Marrëveshja me Iranin, e detyruar. Do të sillte një katastrofë globale

Gazetari, Dorand Vojka në një lidhje live nga SHBA në emisionin “Balkan Talks” me Franko Egro në Euronews Albania ka folur lidhur me memorandumin e arritur mes SHBA-së dhe Iranit. Gjatë fjalës së tij Vojka u shpreh se në SHBA e shikojnë paqen e arritur në këtë memorandum si një paqe të detyruar.

Ndër të tjera ai theksoi se vijimi i kësaj lufte do të sillte një katastrofë globale. Sipas tij në këtë situatë të tillë ata u detyruan për të bërë këtë paqe.

“Qasja është, kemi një presion ndaj presidentit Trump nga lobi i luftës apo nga lobi i cili kërkonte që kjo luftë të vazhdonte, dhe atyre nuk u pëlqeu që kemi paqe. Pra ka pasur një qasje të tillë, ka pasur një qasje ndryshe nga ata që kërkonin paqe, të cilët po e përkrahin presidentin Trump.

Këtu në Shtetet e Bashkuara të Amerikës shumica e shikojnë këtë paqe si një paqe të detyruar. Unë në emisionin tënd kam thënë kohë përpara që kanë qenë disa data që ne duhet t’i shikonim si shumë të rëndësishme: data 15 maj dhe data 15 qershor kanë qenë datat ku po tregonin se, bazuar në përdorimin e naftës, sa të ulëta kanë qenë rezervat e Shteteve të Bashkuara të Amerikës dhe të botës në përdorimin e naftës.

Dhe ne pamë që edhe vetë presidenti Trump tha që rezervat e naftës në Shtetet e Bashkuara të Amerikës janë shumë të ulëta. Vazhdimi i kësaj lufte do të sillte një katastrofë amerikane dhe katastrofë globale, dhe prandaj ai gati-gati u detyrua për ta bërë këtë paqe.

Pra arritja e paqes shikohet shumë skeptike. Ka një luftë të jashtëzakonshme midis atyre që po e përkrahin paqen dhe atyre të cilët nuk e duan këtë paqe, duke përfshirë lobin izraelit, duke përfshirë lobin e luftës të Shteteve të Bashkuara të Amerikës”, tha ai ndër të tjera.