Gjermania regjistron 12,500 vdekje nga nxehtësia

Rreth 12,500 persona kanë humbur jetën në Gjermani nga shkaqe të lidhura me temperaturat e larta gjatë këtij viti, sipas Institutit Robert Koch (RKI). Shifra është më e larta e regjistruar që nga nisja e mbajtjes së të dhënave në vitin 2016.

Sipas raportit të fundit të RKI-së, që mbulon periudhën nga 6 prilli deri më 2 gusht, numri i viktimave ka tejkaluar ndjeshëm totalin e regjistruar në një vit mesatar të plotë.

Vitet 2018 dhe 2019 kishin shënuar më parë nivelet më të larta, me rreth 9,400 dhe 7,700 vdekje të lidhura me nxehtësinë.

Instituti paralajmëron se numri real i viktimave këtë vit mund të jetë edhe më i lartë, pasi shifra prej 12,500 është një vlerësim konservativ.

Saarland dhe Rheinland-Pfalz janë ndër zonat më të prekura, me përkatësisht 43.4 dhe 38.7 vdekje për 100 mijë banorë. Në nivel kombëtar, vdekshmëria e lidhur me nxehtësinë është 15 vdekje për 100 mijë banorë.