Gjykata i konfiskon pasurinë Kastritot Ismailajt që mashtroi CEZ-in

Administratori i DIA, kompanisë që akuzohet se mashtroi me mbledhjen e borxheve të ish-CEZ humb pasurinë e tij të mbyllur në disa llogari bankare.

 Kjo pasi gjykata e Krimeve të Rënda ka vendosur të pranojë kërkesën e Prokurorisë për konfiskimin e aseteve financiare të Kastriot Ismailajt.

Kështu, gjykata ka vendosur të konfiskojë llogarinë e nënës së Kastriot Ismailajt me një shumë prej 5.5 mln, dy llogaritë bankare në emër të Ismailajt me vlerë 12 mln lekë të reja si dhe një shumë prej rreth 980 mijë dollarëve amerikan që ndodheshin në llogarinë bankare të kompanisë “Adriatik Development Corporation”, administrator dhe pronar i së cilës është i pandehuri Ismailaj.

Përveç shumës së parave tashmë të konfiskuara, gjykata ka vendosur që edhe makina e llojit “Passat” e bashkëshortes së Ismailajt të kaloi në favor të shtetit shqiptarë, raporton Shqiptrja.com Pritet që shumë shpejt ky vendim të kundërshtohet në Gjykatën e Apelit për Krime të Rënda, ku avokatët do kërkojnë lirimin e plotë të kësaj shume.

Veç këtij procesi gjyqësor, mësohet se pranë Gjykatës së Krimeve të Rënda vazhdon një proces tjetër gjyqësor ndaj Ismailaj për konfiskimin e disa llogarive të tjera bankare, që kapin vlerën e rreth 3.5 mln eurove.