Gramsh- Autobusi përplaset me një fuoristradë, një i vdekur

Një aksident rrugor ka ndodhur mëngjesin e së hënës pranë fshatit Çekrez, në Gramsh.

Një autobus është përplasur me një fuoristradë dhe si pasojë një person ka humbur jetën dhe disa të tjerë janë plagosur.

Mësohet se autobusi i linjës Skënderbegas-Sult transportonte mësues dhe nxënës. Si pasojë e aksidentit ka humbur jetën 55-vjeçari Hysen Braçja, i cili udhëtonte në fuoristradë.

Në spitalin rajonal janë dërguar 11 persona, të gjithë jashtë rrezikut për jetën. Ende nuk dihet dinamika e aksidentit. Policia ndodhet në vendngjarje për të zbardhur shkaqet e aksidentit.(vijon)./m.m/