Hidhet shorti i Kategorisë së Parë, përcaktohet kalendari i sezonit 2026/2027

Departamenti i Garave në FSHF hodhi sot shortin e kampionatit të Kategorisë së Parë për sezonin 2026–2027. Në shortin e hedhur sot në “Shtëpinë e Futbollit” nga specialisti i këtij departamenti, Eraldi Shera ishin të pranishëm përfaqësues të klubeve të kësaj kategorie dhe përfaqësues të medias.

Kampionati i Kategorisë së Parë do të nisë më 5 shtator 2026 dhe është planifikuar të përfundojë në maj 2027, me 12 skuadra që do të garojnë për objektivat e tyre në edicionin e ri.

Në këtë edicion do të marrin pjesë: KF Bylis, FC Flamurtari, KF Pogradeci, KF Iliria, KF Besa, KF Kastrioti, KF Burreli, KF Korabi, KF Kukësi, KF Besëlidhja, KF Oriku dhe KF Sopoti.

Java e parë e kampionatit, 5 shtator 2026

Iliria-Pogradeci

Kukësi-Besëlidhja

Korabi-Oriku

Bylis-Sopoti

Besa-Flamurtari

Burreli-Kastrioti