I dyshuari për vdekjen e Ann Widdecombe u arrestua sërish nën dyshime për terrorizëm

Një burrë 28-vjeçar, i cili ishte arrestuar fillimisht me dyshimin për vrasje lidhur me vdekjen e ish-politikanes britanike Ann Widdecombe, është arrestuar përsëri nën dyshimet për veprime me natyrë terroriste. Autoritetet e antiterrorit morën përsëri në mbikëqyrje të dyshuarin, ndërsa policia kishte njoftuar më parë se ngjarja nuk dyshohej të ishte e lidhur me terrorizmin apo me motive politike.

Sipas Associated Press, Widdecombe, 78 vjeç, u gjet e vdekur javën e kaluar në shtëpinë e saj të izoluara në fshatin Haytor, pranë Parkut Kombëtar Dartmoor. Policia nuk ka bërë të ditur shkakun e vdekjes, duke thënë vetëm se ajo kishte pësuar “lëndime të rënda”.

Vdekja e saj shkaktoi tronditje në arenën politike britanike; Widdecombe ishte figura publike për dekada, e njohur për personalitetin e fortë dhe për qëndrimet konservatore në çështjet shoqërore, duke përfshirë kundërshtimin e abortit dhe zgjerimit të të drejtave për komunitetin LGBTQ+.

Hetimet vazhdojnë teksa autoritetet hetojnë rrethanat e ngjarjes dhe arsyet e arrestimit të dytë të të dyshuarit për kryerje, përgatitje ose nxitje të akteve terroriste, raporton Associated Press.