Identifikohen dy të rinjtë e plagosur nga shpërthimi në Tepelenë, reagon policia

Janë identifikuar dy të rinjtë që janë plagosur këtë të martë nga shpërthimi i regjistruar në fshatin Majkosh, në Tepelenë. Të plagosur kanë mbetur

Janë identifikuar dy të rinjtë që janë plagosur këtë të martë nga shpërthimi i regjistruar në fshatin Majkosh, në Tepelenë. Të plagosur kanë mbetur 28-vjeçari Xhulio Salaj dhe 34-vjeçari Lisien Shehu, të dy nga Memaliaj.

Sipas njoftimit të policisë dy të rinjtë janë shokë me njëri-tjetrin. Ngjarja ka ndodhur në një ambient ngjitur me banesën e babait të 28-vjeçarit.

Ata janë transportuar drejt spitalit të Traumës në Tiranë ku janë në kujdesin e mjekëve. Shkaqet e shpërthimit ende nuk dihen, ndërsa autoritetet ndodhen në vendngjarjë dhe po hetojnë rrethanat e ngjarjes.

“Tepelenë/Informacion paraprak Rreth orës 13:40, janë dërguar në spital shtetasit Xh. S., rreth 28 vjeç, banues në fshatin Mamaj, dhe L. Sh., rreth 36 vjeç, banues në Memaliaj (shokë me njëri-tjetrin), të cilët dyshohet paraprakisht se janë dëmtuar aksidentalisht nga shpërthimi i një lënde plasëse të papërcaktuar, në një ambient ngjitur me banesën e shtetasit P. S, (babai i shtetasit Xh. S.), në fshatin Mamaj.

Shtetasit janë transportuar në spital dhe ndodhen nën kujdesin e mjekëve. Grupi hetimor po punon për përcaktimin e llojit të lëndës plasëse, zbardhjen e rrethanave dhe dokumentimin ligjor të rastit”, njofton policia.