Iljushini rus përfundon misionin zjarrfikës në Serbi dhe kthehet në Moskvë

Avioni special zjarrfikës Il-76 i Ministrisë së Emergjencave të Rusisë (EMERCOM) ka përfunduar misionin e tij në Serbi dhe është kthyer në Moskvë, raportojnë mediat ruse.

Sipas raportimeve, avioni kreu dhjetëra fluturime gjatë operacioneve për shuarjen e zjarreve pyjore që përfshinë disa rajone të Serbisë gjatë verës, duke hedhur sasi të mëdha uji mbi vatrat e zjarrit. Në një nga ditët e misionit, Il-76 hodhi 168 tonë ujë mbi zjarret, sipas agjencisë ruse TASS.

Il-76 mbërriti në aeroportin e Nishit më 21 gusht, me ftesë të autoriteteve serbe, për të ndihmuar në shuarjen e zjarreve të mëdha, përfshirë zjarrin në Delibllatskën Peshçara që u lokalizua në mesin e shtatorit.

Misioni i avionit rus vjen në një kohë kur Serbia u përball me një nga verat më të vështira sa i përket zjarreve pyjore, me vatrat e zjarrit që u përhapën në disa pjesë të vendit gjatë gushtit dhe shtatorit.

Burimi: Danas