Ish-ministri Tahiri ndalohet të largohet nga Shqipëria, provat e reja implikojnë edhe bashkëshorten

Me kërkesë të Prokurorisë së Krimeve të Rënda, Gjykata ka bllokuar pasaportën e ish-ministrit të Brendshëm, Saimir Tahiri, dhe ndalimin e këtij të fundit për t’u larguar jashtë vendit.

Kohë më parë Prokuroria e Krimeve të Rënda i kërkoi Kuvendit heqjen e mandatit të deputetit dhe hapjen e rrugës për arrestimin e tij, por ligjvënësit e PS-së, votuan vetëm për hetim.

Tahiti akuzohet si i përfshirë në trafikun ndërkombëtar të drogës, i cili udhëhiqej grupi i Vlorës, Habilaj të njohur si kushërinj të ish-ministrit.

Ndërkohë burime nga prokuroria thanë për “Report” se në whatsapp-in e biznesmenit Sota u gjetën sms me gruan e Tahirit.

Orest Sota bisedon me gruan e Tahirit për tenderë në MB.

Gjykata urdhëron që Sajmir tahiri të paraqitet çdo javë pranë prokurorisë së krimeve të rënda.

Krahas pasaportës, Tahirit i është bllokuar edhe karta e identitetit, duke bërë të pamundur edhe udhëtimin e tij drejt vendeve fqinje si Maqedoni, Mali i Zi apo dhe Kosovë.

Pak ditë më parë, ish-ministri Tahiri udhëtoi në drejtim të Gjermanisë ku tha se vizitoi babain e tij i cili kurohet në një prej klinikave të specializuara atje për një sëmundje të rëndë. Vizita e Tahirit shkaktoi mjaft polemika.

Gjithashtu, Tahiri është në hetim nga Prokuroria edhe për akuzat si i implikuar në trafikun ndërkombëtar të drogës i kryesuar nga Habilajt.