Ish shefat e NATO’s dhe ata amerikanë të Mbrojtjes këshillojnë Britaninë kundër daljes nga BE

Ish sekretarët gjeneralë të NATO’s e kanë këshilluar Britaninë e Madhe të martën se dalja nga Bashkimi Europian do t’i ndihmonte armiqtë e Perëndimit, kurse ish shefat amerikanë të Mbrojtjes dhe ata të Jashtëm e kanë paralajmëruar Britaninë se nëse del nga BE atëherë do të këtë më pak pushtet.

Reuters shkruan se ky paralajmërimi i dyfishtë vjen përderisa dy fushatat për dhe kundër Brexit kanë nisur retorikën për ndikimin që do të kishte në sigurinë e Britanisë së Madhe qëndrimi apo dalje nga BE, transmeton Gazeta Express.

Kryeministri David Cameron tha të hënën se Britania është më e sigurt në BE, ndërsa ish kryetari i Londrës, Boris Johnson, anëtar i Partisë Konservatore të Cameronit, akuzoi këtë të fundit për sugjerimin se do të shpërthente një luftë e tretë botërore nëse britanikët votojnë për të dalë nga EU në referendumin e 23 qershorit.

Pesë ish shefat e NATO’s, Peter Carrington, Javier Solana, George Robertson, Jaap de Hoop Scheffer and Anders Fogh Rasmussen, kanë thënë se imponimi i sanksioneve nga ana e BE-së kundër Rusisë dhe Iranit, një lëvizje e udhëhequr nga Britania, ka treguar rëndësinë e Bllokut.

Ndërkohë, në një letër të ndarë për the Times, 13 ish sekretarë të shtetit amerikan dhe këshilltarë kombëtarë dhe të mbrojtjes nga çdo administratë e ShBA-së, nga Obama deri të Jimmy Carter në fund të viteve 1970-ta, kanë thënë se pozicioni global i Britanisë do të vuante nëse kjo e fundit del nga BE.