Italia në garë me kohën për të shpëtuar jetë, deri tani mbi 160 viktima

Mijëra persona janë angazhuar në operacionin e kërkim-shpëtimit gjatë natës pas serisë së tërmeteve të mërkurën në Italinë qendrore. Shumë njerëz besohet se ndodhen akoma nën rrënoja, ndërsa më tepër se 4300 persona po përdorin makineri apo edhe duart e tyre për të hequr rrënojat me shpresën për të gjetur akoma njerëz të gjallë.

Numri i viktimave sipas zyrtarëve të vendit fqinj është më tepër se 160 ndërsa 368 janë të plagosur, raporton BBC. “Shumë prej viktimave janë fëmijë”, ka deklaruar Ministri italian i Shëndetësisë dhe frika është se bilanci i viktimave do të vijojë të rritet.