Jahjaga ia dorëzon edhe zyrtarisht detyrën Thaçit

Në Presidencën e Kosovës është bërë pranim-dorëzimi i detyrës së Presidentit. Pas betimit në Kuvendin e Kosovës si kryetar i vendit, Hashim Thaçi ka shkuar në zyrën e Presidentit të vendit.

Atje është pritur presidentja Atifete Jahjaga. Pas bisedës së shkurtër, Thaçi dhe Jahjaga kanë ndërruar vendet.

Atifete Jahjaga nga karrigia e presidentes së shtetit kaloi në karrigen e “mysafirit” në zyrë. Në karrigen e saj pastaj u ul Hashim Thaçi, president.