Kerry në Kosovë për procesin demokratik të shtet-ndërtimit
Sekretari amerikan i Shtetit, John Kerry, do të zhvillojë të mërkurën një vizitë zyrtare në Kosovë, për të nënvizuar “shqetësimin e Perëndimit” mbi përparimin e ngathtë që prej përfundimit të luftës në Kosovë, 16 vjet më parë.
Agjencia e lajmeve Reuters citon një zyrtar të lartë amerikan të ketë thënë se vizita e shkurtër e zotit Kerry “ka për synim të dëshmojë edhe mbështetjen për procesin demokratik të shtet-ndërtimit, për forcimin e sundimit të ligjit dhe për bisedimet për normalizimin e marrëdhënieve ndërmjet Kosovës dhe Serbisë”.
Ky zyrtar citohet të ketë thënë gjithashtu se zoti Kerry do të shtrojë edhe çështjen e pjesëmarrjes së qytetarëve të Kosovës në luftimet në Siri, para se të niset për në Beograd, për të marrë pjesë në takimin e Organizatës për Siguri dhe Bashkëpunim në Evropë, punimet e të cilit, siç thuhet, do të mbizotërohen nga lufta në Siri dhe rreziku i grupit militant Shteti Islamik.
Vizita e Sekretarit amerikan të Shtetit u bë e ditur një ditë më parë edhe nga Kryetari i Kuvendit Kadri Veseli ku deklaroi se “po hyjmë në një javë të rëndësishme pasi do të vije John Kerry. E thërras opozitën që të marr pjesë në seanca pasi aty është vendi i tyre”
Zoti Sekretar Amerikan i Shtetit, John Kerry, nga shpresa se do të dëgjosh dhe do ta besosh edhe opinionin tim, të një qytetari të rendomë, po i jap vetës të drejt të shpalosë dhembjen që po më mundon.
Kjo çka po ndodhë në Kosovë po shihet qartë. Mjafton t'i referohem Raportit Progresit të evro-komisarit për zgjerim zotëri Johanes Han, ku në mënyrë të përmbledhur thuhet: se në Kosovë zotëron krim i organizuar.
Kjo përkon me realitetin, dhe jam i bindur se jeni të informuar nga profesionist të informimit, se pushtetmbajtësit në Kosovë dhe klanet servile përreth tyre, kanë filluar të shfaqin tiparet përditë më armiqësore ndaj opozitës, që për shumë çka ngjasojnë me ato të ish diktatorit kilian Augusto Pinoçeti. Më e keqja ndër të gjitha këto që po ndodhin në Kosovën e stërvuajtur, është mbështetja e këtyre oligarkëve nga ambasadorët vendeve të cilat nga popullata shumicë konsiderohen mike, si SHBA, Britani e Madhe, Gjermani dhe Austri.
Unë si pjesëtar i popullit shqiptar, popullit më pro-amerikan dhe evropian (i pa organizuar në parti politike).Ju bej thirrje që të përdorni autoritetin e instrumenteve politike e shtetërore të SHBA-ve që t'u ndërpritet mbështetja këtyre oligarkëve shqipfolës, duke e ndihmuar popullin të zgjedh ata që do të jen të përgjegjshëm ndaj votës së tij.