KESH hap procedurat për importin e energjisë, afati deri 30 tetor

Korporata Elektroenergjetike Shqiptare (KESH) ka hapur procedurën për blerjen e energjisë elektrike për muajin nëntor 2017, me qëllim furnizimin normal të vendit me energji elektrike, në kushtet e mungesës së reshjeve të shiut dhe mirëmenaxhimit të rezervës hidrike në kaskadën e Drinit.

Sipas njoftimit të publikuar nga KESH, në total parashikohet blerja e 129.600 MWh energji elektrike, ndërkohë që afati i fundit për dorëzimin e ofertave nga kompanitë e interesuara është data 30 tetor.

Kjo është procedura e tretë që KESH hap në harkun e tre muajve dhe që do të paguhet nga kredia e Planit të Rimëkëmbjes me Bankën Botërore.

Në kushtet e thatësirës,  një ditë më parë edhe Operatori i Shpërndarjes së Energjisë Elektrike hapiprocedurën për blerjen e energjisë për 5 ditët e mbetura të muajit tetor 2017, duke kërkuar 29. 600 MWh energji.