KIEV – Zelensky: Rusia përgatitet për mobilizim masiv pas zgjedhjeve parlamentare

KIEV, 12 gusht /ATSH -AA/ – Presidenti ukrainas Volodymyr Zelensky tha në fjalimin e tij të zakonshëm të mbrëmjes se Rusia po përgatitet për një mobilizim të ri ushtarak në vjeshtë, pas zgjedhjeve parlamentare.

Sipas Zelenskyt, kreu i Inteligjencës së Mbrojtjes së Ukrainës, Oleh Ivashchenko, i ka paraqitur atij një raport mbi përgatitjet ruse për mobilizimin

Zelensky tha se këto përgatitje konfirmohen nga dokumente të brendshme ruse dhe se mobilizimi mund të nisë në vjeshtë, menjëherë pas zgjedhjeve parlamentare ruse.

Sipas presidentit ukrainas, Vladimir Putin planifikon të mobilizojë me shpejtësi disa qindra mijëra rusë deri në fund të këtij viti, ndërsa një numër i ngjashëm mund të rekrutohet edhe gjatë vitit të ardhshëm. K

jo do t’i shtohej rekrutimit të ushtarëve me kontratë që Rusia po përpiqet të zhvillojë aktualisht.

Zelensky shtoi se Ukraina po përgatitet për të vështirësuar sa më shumë zbatimin e këtyre planeve nga Rusia, por nuk dha detaje mbi masat konkrete që Kievi mund të ndërmarrë.