Kimmich: Ky është problemi më i madh i Gjermanisë, nëse e evitojmë atë mund të mposhtim këdo

Kapiteni i Gjermanisë, Joshua Kimmich, ashtu sikurse trajneri Julian Nagelsmann u pajtua me faktin se Ekuadori ishte skuadra më e vendosur në fitoren 2-1 që amerikano-latinët arritën ndaj europianëve në ndeshjen e Kupës së Botës.

Ai tha se Gjermania duhet të forcojë mbrojtjen në ndeshjen e tyre të ardhshme eliminatore ose do të përballet me eliminimin nga turneu. “Ne vazhdojmë ta ftojmë kundërshtarin në zonën tonë me humbjet e topit dhe kjo vetëm sa i bën ata më të fortë”, tha Kimmich.

“Për fat të mirë, ende nuk ka ndodhur asgjë. Por nuk mund të përballojmë një tjetër humbje, kjo është e qartë. Nuk mund të pësojmë një ose dy gola në çdo ndeshje. Nëse minimizojmë numrin e herëve që humbim topin, atëherë mund të mposhtim këdo”, tha Kimmich.