“Klientët po mashtrohen”, Trump: Departamenti i Drejtësisë të shqyrtojë mashtrimin nga kompanitë e benzinës

Presidenti amerikan, Donald Trump tha të mërkurën në mëngjes se kishte urdhëruar Departamentit të Drejtësisë të hetonte atë që ai e quajti “mashtrim” nga kompanitë e mëdha të naftës.

“Kompanitë e mëdha të naftës nuk po i ulin çmimet e tyre në pompë në përputhje me çmimet shumë më të ulëta që po paguajnë për naftën”, shkroi Trump në Truth Social.

“Ato çmime po bien si shkëmbi! Me fjalë të tjera, klientët po mashtrohen”, shtoi ai.

Çmimi ndërkombëtar i naftës Brent Crude ra nën 77 dollarë për fuçi të mërkurën, me naftën amerikane West Texas Intermediate (WTI) gjithashtu që u tregtua nën 73 dollarë, në një lehtësim të vazhdueshëm pasi SHBA-të dhe Irani nënshkruan memorandumin e tyre të mirëkuptimit për të punuar drejt përfundimit të luftës.

“Çmimet e benzinës duhet të fillojnë të ulen shumë më shpejt nga sa po shoh unë”, tha Trump.

Rritja e çmimeve të benzinës është bërë një barrë politike për administratën Trump dhe Trump premtoi vazhdimisht se çmimet e energjisë do të “binin si shkëmb” sapo të negociohej paqja dhe të rihapej Ngushtica e Hormuzit.