Kosova drejt zgjedhjeve të parakohshme/ Presidentja në detyrë, Albulena Haxhiu takohet me kreun e KQZ-së

Presidentja në detyrë e Kosovës, Albulena Haxhiu ka takuar të mërkurën kreun e Komisionit Qendror të Zgjedhjeve, Kreshnik Radoniç.

Presidentja në detyrë e Kosovës, Albulena Haxhiu ka takuar të mërkurën kreun e Komisionit Qendror të Zgjedhjeve, Kreshnik Radoniç.

Takimi po mbahet një ditë pasi Kuvendi dështoi të zgjedhë Presidentin brenda afatit kushtetues dhe Kosova detyrohet të shkojë në zgjedhje të reja parlamentare. Kosova duhet të mbajë zgjedhjet e reja brenda 45 ditësh.

Partia në pushtet, Lëvizja Vetëvendosje, nuk arriti të bëjë marrëveshje me opozitën për këtë çështje dhe për rrjedhojë vendi shkon në zgjedhje.

Për të caktuar datën e zgjedhjeve, Haxhiu duhet që të ftojë partitë politike në takim për t’u dakordësuar. Sipas REL, janë dy data të mundshme për mbajtjen e zgjedhjeve të reja të parakohshme sipas procedurave ligjore.

Melos Kolshi, hulumtues në Institutin e Kosovës për Drejtësi (IKD), theksoi se zgjedhjet mund të mbahen më 31 maj ose më 7 qershor.