Kosova rrezikon humbjen e 165 milionëve nga Plani i Rritjes
Pas humbjes së 50 milionë eurove në qershor, vendi mund të mbetet pa edhe 165 milionë euro të tjera nga fondet e BE-së, nëse reformat nuk përmbyllen deri më 31 dhjetor.
Kosova rrezikon të humbasë mbi 165 milionë euro nga Plani i Rritjes i Bashkimit Evropian, pas 50 milionëve që i humbi në qershor, nëse reformat e kërkuara nuk përmbyllen deri më 31 dhjetor nga institucione me mandat të rregullt, siç njofton Klan Kosova.
Milionat e Brukselit pritën gjatë, por koha për to po soset. Sipas ekspertit Qemajl Marmullakaj nga IKD-ja, disa prej kushteve të kërkuara është vështirë të zbatohen në situatën politike në të cilën ndodhet vendi.
Përveç dëmit financiar, një dështim i mundshëm vlerësohet se do t’i prishte edhe imazhin shtetit në marrëdhëniet me partnerët evropianë.
Kryeministri Albin Kurti, gjatë mbledhjes së dytë të Këshillit Ministror për Integrim Evropian, pati deklaruar se tetë nga reformat kërkojnë miratimin e projektligjeve në Kuvend. Aty u bë e ditur se nëse Kuvendi do të jetë funksional, mjetet nuk do të humben.
Afati i fundit për përmbushjen e reformave është 31 dhjetori i këtij viti.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.