Kryebashkiakja në Meksikë organizon rrëmbimin e saj për të marrë shpërblim

Kryetarja e bashkisë së Tenancy, Nancy Napoles, dyshohet se ka falsifikuar rrëmbimin e saj për të mbledhur një shpërblim prej rreth 2 milionë dollarësh, thanë sot autoritetet.

Prokuroria deklaroi se çështja lidhet me një përpjekje të dyshuar për të mbuluar përvetësimin në administratën e qytetit, raportoi Figaro.

Sipas pretendimeve të tyre, rrëmbyesit i kërkuan asaj rreth 2.3 milionë dollarë gjatë robërisë së supozuar dhe sugjeruan që paratë të merreshin nga fondet komunale.

Napoles i hodhi poshtë akuzat dhe e vlerësoi çështjen si të motivuar politikisht. Ajo pretendon se arriti t’u shpëtonte pengmarrësve të saj gjatë një momenti mungesë vëmendjeje.

Megjithatë, hetuesit thonë se ka mospërputhje në dëshminë e saj, si dhe prova që tregojnë për një rrëmbim të mundshëm të organizuar dhe të rremë, në të cilin dyshohet se ishin të përfshirë bashkëshorti dhe dhëndri i saj, të cilët janë në arrati.

Prokuroria deklaroi gjithashtu se ka regjistrime të më shumë se 150 bisedave telefonike që lidhen me organizimin e çështjes.

Sipas ligjit meksikan, falsifikimi i një rrëmbimi dënohet deri në 16 vjet burg. Ajo njoftoi bashkëpunimin e saj me hetimin dhe këmbëngul se është e pafajshme.