Kryeprokurori mbetet në rend dite, mazhoranca rrëzon kërkesën e opozitës
Fillimisht Lulzim Basha e më pas Monika Kryemadhi kërkuan sot në parlament heqjen nga rendi i ditës shqyrtimin për zgjedhjen e kryeprokurorit të ri të përkohshëm.
“Ke një kërkesë me shkrim institucionale nga tri grupet parlamentare opozitare. Të mos lejojmë dhunimin sot të kushtetutës. Kushtetuta ta ndalon që të bësh aktin që ke futur në rendin e ditës, kapjen e prokurorit të përgjithshëm me votat e një partie politike. Reforma në drejtësi ta thotë se prokurori nuk mund të zgjidhet me më pak se 3/5 e votave. Tërhiquni nga kërkesa!”, deklaroi Lulzim Basha.
Monika Kryemadhi kërkoi të njëjtën gjë.
Gramoz Ruçi e hodhi në votim kërkesën e opozitës, që u rrëzua nga deputetët e mazhorancës. Zgjedhja e kryeprokurorit mbetet në rend të ditës.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.