Kupa e Botës në Pentathlon, nisin finalet

Blanka Guzi e Hungarisë dhe Seong Seungmin e Koresë së Jugut janë fituesit e raundit gjysmëfinal të Kupës së Botës së Pentathlonit Modern në Budapest. Në fakt për fjalë për finalet e kësaj Kupe Bote, atje ku ndodhen më të mirët e tre etapave, të cilat janë zhvilluar në Kajro, Pazardzhik dhe Budapest. Në gjysmëfinalen e parë, Blanka Guzi e mori kryesimin që në kalimin me pengesa për ta ruajtur atë dhe në përfundim të notit në 100 metra stil i lirë, apo dhe vrapimit me lazer.

Pas së cilës grumbulloi 1436 pikë duke lënë nga pas spanjollen Fernandez me 1433 pikë dhe francezen Derval me 1426 pikë. Ndërkohë vrapimi me lazer ka qenë vendimtar në gjysmëfinalen e dytë, sepse deri në ndalesën e katërt në poligonin e qitjes kryesonte Valencia nga Guatemala, e cila ishte kryesuese pas kalimit me pengesa dhe notit në 100 metra stil i lirë.

Mirëpo çekja Hlavaçkova i merr kryesimin në xhiron e fundit të vrapimit, kurse më pas rekuperon koreania Seong Seungmin, e cila e mbyll gjysmëfinalen e dytë në kuotën e 1424 pikëve. Pas saj hungarezja Meszarosh me 1422 pikë dhe Valencia me 1420 pikë.

E shtuna do të jetë për gjysmëfinalet e djemve, në ora 10:30 dhe 14:30, kurse e diela për finalet në të njëjtën orë për të ulur siparin e Kupës së Botës në Pentatlonin Modern. Gjithçka po vjen ekskluzivisht në rrjetin e Radio Televizionit Shqiptar.