Kush është suedezi Peter Tejler, njeriu që do të noterizojë zgjedhjet e 18 Qershorit?

Komuniteti ndërkombëtar është i vendosur për zhvillimin e zgjedhjeve me 18 qershor në Shqipëri. Madje institucionet që monitorojnë këtë proces OSBE-ODIHR kanë dërguar përfaqësuesin e tyre i cili është shef i misionit dhe që nesër zbret në Tiranë. Ai është diplomati suedez Peter Tejler.

Kush është suedezi Peter Tejler i cili do të jetë shefi i misionit të vëzhguesve të OSBE-ODIHR për zgjedhjet e 18 qershorit në Shqipëri? Njeriu i cili do ti vendosë “vulën” apo “noterizojë” zgjedhjet e 18 qershorit në Shqipëri, Peter Tejler ka një karrierë të gjatë diplomatike. Karriera e tij e hershme diplomatike përfshin Pragën, Damaskun, Bonin dhe në MPJ në Stokholm. Së fundi, Peter Tejler, ambasador ambasadori i Suedisë në Republikën Islamike të Iranit.

Në vitin 1991 ai u emërua Shef i Zyrës së Ministrit të Jashtëm të Suedisë. Në vitin 1994 ai u emërua në Uashington DC si Zëvendës Shef i Misionit. Në vitin 1999 ai shkoi në Pakistan si ambasadori i Suedisë. Që nga viti 2002 ai ishte gjithashtu ambasador jo-rezident në Afganistan. 2003-2008 ai shërbeu si Shef i Departamentit të Lindjes së Mesme dhe Afrikës Veriore në MPJ Suedeze. Në vitin 2008 ai u emërua ambasador në Afrikën e Jugut dhe më vonë edhe ambasador jo-rezident në Botsvana, Namibi dhe Lesoto. Në të njëjtën kohë ai ishte Përfaqësuesi i Përhershëm i vendit të tij në SADC. Që nga viti 2012 ai shërben si ambasador i Suedisë në Republikën Islamike të Iranit.