LAIKA publikon trailerin final të “Wildwood”: biletat në shitje, premiera më 23 tetor në kinema

LAIKA, studioja e famshme e animacionit stop-motion e njohur për filmat “Coraline”, “Kubo and the Two Strings” dhe “Missing Link”, publikoi sot trailerin final të filmit të ri fantastik “Wildwood” dhe nxori në shitje biletat për premierën kinematografike.

“Wildwood” do të dalë ekskluzivisht në kinema më 23 tetor 2026, në formatet premium 4DX, DBOX dhe Dolby Cinema. Përpara daljes në kinema, filmi do të ketë premierën amerikane si filmi hapës i festivalit prestigjioz AFI FEST, më 21 tetor 2026.

Filmi është regjisuar dhe prodhuar nga Travis Knight, ish-drejtori ekzekutiv i LAIKA-s, me skenar të Chris Butler. Ai bazohet në romanin popullor “Wildwood” të Colin Meloy, me ilustrimet e Carson Ellis.

Historia ndjek adoleshenten e guximshme Prue McKeel (Peyton Elizabeth Lee), e cila, pasi vëllai i saj i vogël rrëmbehet nga një tufë korbash, nis një mision shpëtimi në “Impassable Wilderness” — një pyll magjik i fshehur pranë Portland-it, në Oregon — e shoqëruar nga shoku i klasës Curtis Mehlberg (Jacob Tremblay). Atje, dyshja përballen me kafshë që flasin, banditë dhe forca misterioze.

Kastës së zërave i prin një plejadë yjesh: Carey Mulligan, Mahershala Ali, Angela Bassett, Awkwafina, Jake Johnson, Charlie Day, Amandla Stenberg, Jemaine Clement, Maya Erskine, Tantoo Cardinal, Tom Waits dhe Richard E. Grant. Filmi zgjat 132 minuta dhe në Shtetet e Bashkuara do të shpërndahet nga Fathom Entertainment.

Burimi: ComingSoon.net