Lideri bavarez paralajmëron Merkelin pas rezultatit ‘katastrofik’ në zgjedhje
Një aleat kyç politik kritikoi ashpër sot kancelaren gjermane, Angela Merkel, duke thënë se politika e saj, për të cilën ai e fajëson për humbjen poshtëruese në zgjedhjet elektorale në fundjavë, ka nevojë të riorganizohet.
“Rezultati katastrofik i së dielës në shtetin lindor gjerman të Mecklenburg-Vorpommern ishte pasojë e politikës liberale të refugjatëve e Merkelit”, tha Horst Seehofer, kryeministri i shtetit jugor të Bavarisë për gazetën e përditshme ”Sueddeutsche Zeitung”.
Komentet e tij theksuan ndarjen e thellë në koalicionin qeverisës të kancelares të shkaktuar nga ardhja e rreth 1 milion refugjatëve në Gjermani.
Situata e rëndë në shërbimet sociale si dhe një seri sulmesh terroriste të lidhura me refugjatët , kanë testuar gatishmërinë e gjermanëve për të mbështetur Merkelin në mirëpritjen e refugjatëve, transmeton atsh.
“Situata është shumë e degravuese për CDU-në dhe CSU-nw”, deklaroi Seehofer, duke këmbëngulur se gjermanët nuk e duan këtë politikë të Berlinit.
