Manchester United nënshkruan me një tjetër brazilian për 58 milionë euro, do të zërë vendin e Casemiro

Manchester United ka arritur një marrëveshje me Chelsea për blerjen e Andrey Santos. Sipas “The Athletic”, djajtë e kuq do të paguajnë 48 milionë paund, plus 2 milionë paund në bonuse lehtësisht të arritshme (afërsisht 58 milionë euro në total), me klubin londinez që mban klauzolën e riblerjes prej 10%.

Mesfushori 22-vjeçar brazilian, ka arritur një marrëveshje për kushtet personale me United dhe ka marrë dritën jeshile të Chelsea për të udhëtuar dhe për të përfunduar transferimin.

Andrey Santos, nën kontratë në “Stamford Bridge” deri në vitin 2030, kishte qenë subjekt i disa pretendentëve. Te Manchester United u besojnë brazilianëve, psai përveç Santos ka mbërritur edhe Ederson, që do të mbushin boshllëkun e lënë nga largimi i Casemiro.

Andrey Santos u bashkua me Chelsea nga Vasco da Gama në janar 2023 dhe bëri 43 paraqitje në të gjitha garat në sezonin 2025-26, duke regjistruar tre gola dhe katër asiste. Ai bëri gjashtë ndeshje për Brazilin, por nuk u përfshi në skuadrën e Carlo Ancelottit për Kupën e Botës këtë verë.