Masakër në Gjykatën e Milanos/ Tre të vrarë, dy të plagosur(foto+video)

Tre persona janë vrarë dhe dy të tjerë janë plagosur nga disa të shtëna me armë në Gjykatën e Milanos. Corriere della Sera shkruan se autor është Claudio Giardiello, i akuzuar për mashtrim financiar. Bëhet e ditur se ai ka nisur të qëllojë sapo avokati i tij mbrojtës deklaroi se kishte hequr dorë nga çështja. Giardiello ka qëlluar ndaj një dëshmitari, gjyqtarëve dhe disa personave të tjerë që gjendeshin në pjesën e rezervuar për publikun. Njëri prej viktimave është gjyqtari Fernando Ciampi Pas kësaj, autori është larguar. Policia e arrestoi atë pak minuta më vonë, afër zonës së krimit.