Medvedev paralajmëron Evropën: Rusia do t’u përgjigjet kërcënimeve të sigurisë

Zëvendëskryetari i Këshillit të Sigurisë së Rusisë, Dmitry Medvedev, ka lëshuar deklarata të forta ndaj vendeve evropiane, duke paralajmëruar për një përgjigje të ashpër ndaj çdo përpjekjeje për ta detyruar Moskën të pranojë paqen përmes presionit.

Në një artikull, Medvedev u shpreh se koncepti i “paqes përmes forcës” që, sipas tij, po i imponohet Rusisë, do të përballet me një kundërpërgjigje të bazuar në sigurimin e interesave të saj me mjete të forta.

Ai theksoi se Rusia nuk duhet të mbështetet te masa si “vullneti i mirë” apo iniciativa të njëanshme për ndërtimin e besimit, duke i konsideruar ato të pamjaftueshme për të shmangur përshkallëzimin e situatës.

Sipas Medvedevit, mënyra e vetme për të parandaluar një konflikt më të gjerë është që vendet evropiane, përfshirë Gjermania, të kuptojnë pasojat e rënda që mund të përballen në rast të përshkallëzimit të mëtejshëm të tensioneve.