Milanit i mungon një mesfushor me tipare sulmuese, Amorim zgjedh portugezin që Barcelona nuk i dha kurrë besimin e duhur

Pas paraqitjes fantastike në sezonin e fundit me Sporting Lisbon, ku kontriboi me 13 gola dhe 18 asiste, Milan i është shtuar listës së shumë ekipeve që interesohen për mesfushorin me tipare sulmuese, Francisco Trincao.

Ruben Amorim e sheh 26-vjeçarin portugez si profilin e duhur për të forcuar sulmin e kuqezinjve. Kujtojmë se në vitin 2020, Trincao u transferua me shumë bujë nga Braga te Barcelona për 31 milionë euro. Por mosha e re dhe mungesa e përvojës, bënë që mos të merrte besimin që i nevojitej dhe më pas filluan huazimet.

Në vitin 2023, u transferua përfundimisht te Sporting Lisbon për 18 milionë euro, ndërsa sot sipas Transfermarkt vlen 40 milionë euro. Ndërkohë që Sporting Lisbon kërkon të paktën 50 milionë euro për ta lënë të lirë.

Milan nuk do ta ketë aspak të lehtë për transferimin e Trincao, për vetë shifrën e kërkuar nga klubi portugez, por edhe për interesin e madh ndaj tij, nga klubet e tjera të mëdha.