Ministria e Arsimit në Serbi: fakultetet mund t’ua shtyjnë me një vit akademik studimet studentëve që u ka skaduar afati

Ministria e Arsimit e Serbisë njoftoi sot se u ka dërguar institucioneve të arsimit të lartë rekomandime për fillimin e vitit akademik. Një nga rekomandimet është që studentëve të regjistruar “sipas Bolonjës”, të cilëve u ka skaduar afati për përfundimin e studimeve në numrin e dyfishtë apo të trefishtë të viteve shkollore, t’u shtyhet studimi edhe për një vit shkollor, me kërkesë personale të tyre.

Rekomandimi vjen në një kontekst të tensionuar: studentët në bllokadë kishin kërkuar që viti akademik të shtyhej për 1 nëntor, për të marrë pjesë në zgjedhjet parlamentare të 25 tetorit. Ministri i Arsimit, Dejan Vuk Stankoviç, e refuzoi kategorikisht këtë kërkesë, duke thënë se mësimi nis më 1 tetor dhe se kërkesa është ligjërisht dhe pedagogjikisht e pabazuar.

Edhe pse rekomandimi i sotëm nuk shtyn fillimin e vitit akademik, ai u jep fakulteteve mundësinë t’ua zgjasin me një vit shkollor studimet studentëve që kanë humbur afatin e përfundimit të tyre.

Burimi: Danas