Ministrja Tahiri udhëton për Bruksel, takime për çështjet e telekomit dhe kadastrit

Ministrja për Dialog e Qeverisë së Kosovës, Edita Tahiri, udhëtoi sot për Bruksel, ku  do të drejtojë delegacionet e Kosovës në takimet trilaterale për çështjet e telekomit dhe të kadastrit.

Këto takime janë thirrur pas këmbënguljes së vazhdueshme të Qeverisë së Kosovës që të mos zvarritet tutje nga ana e Serbisë zbatimi i marrëveshjes për telekomin, përkatësisht çështja e kodit shtetëror për Kosovën, thuhet në një komunikatë qeveritare.

“Qëllimi i thirrjes së këtyre takimeve nga ana eBE është që të përshpejtojë zbatimin e këtyre marrëveshjeve fillimi i zbatimit të të cilave ende nuk ka filluar”,  bën të ditur komunikata.