Kryeministri grek, Kyriakos Mitsotakis, tha sot se vendi i tij nuk do t’i tolerojë migrantët që hyjnë në mënyrë të paligjshme nga Turqia.
“Një numër i konsiderueshëm migrantësh e refugjatësh janë mbledhur në grupe të mëdha në kufirin tokësor greko-turk dhe kanë tentuar të hyjnë në vend në mënyrë të paligjshme”, shkroi Mitsotakis në Twitter.
“Dua të jem i qartë, nuk do të tolerohet asnjë hyrje e paligjshme në Greqi. Ne jemi duke rritur sigurinë tonë kufitare”, shtoi ai.
Mitsotakis, i cili është përpjekur të lehtësojë barrën e vendit të tij në lidhje me dhjetëra mijëra migrantët e bllokuar në tokën e tij, theksoi se Greqia nuk mban përgjegjësi për ngjarjet tragjike në Siri dhe nuk do të vuajë pasojat e vendimeve të marra nga të tjerët.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.