Mungon vetëm zyrtarizimi, Diego Moreira është blerja e re e Milanit

Milani ka finalizuar një marrëveshje për transferimin e Diego Moreirës. Sulmuesi anësor, që luan me këmbën e majtë është përforcimi i ri i zgjedhur për sulmin e Ruben Amorimit; e orkestruar nga agjenti i tij, Jorge Mendes, lëvizja mund të sjellë mbërritjen e tij në Milano nesër, të martën më 18 gusht, për vizitat mjekësore.

Bëhet fjalë për një marrëveshje të rëndësishme financiare: Strasburgu – me të cilin kuqezinjtë kanë tashmë një marrëveshje në parim – do të përfitonte rreth 45 milionë euro, plus 5 milionë euro bonuse.

Klubi francez do të mbante gjithashtu një klauzolë prej 10% për shitjen e ardhshme të lojtarit belg.

Ditët e fundit, Leipzig kishte ndjekur me ngulm pistën e Moreirës. Megjithatë, sapo gjermanët kuptuan kërkesat e Strasburgut, vendosën ta linin mënjanë atë opsion dhe ta përqendronin vëmendjen te El Mala i Këlnit. Pikërisht atëherë Milani intensifikoi përpjekjet, duke e kuptuar menjëherë dëshirën e lojtarit për të veshur fanellën kuqezi.