Rritja e investimeve luajti një rol të rëndësishëm në kthesën pozitive të aktivitetit ekonomik në tremujorin e katërt, të vitit 2020, bëri të ditur Banka e Shqipërisë.
Sipas BSH-së, investimet totale përshpejtuan në 10.9% ritmin rritës, pas një zgjerimi prej 5.8% një tremujor më parë. Ato dhanë kontributin kryesor në përmirësimin e kërkesës agregate, apo GDP-së.
Në vijim të zhvillimeve të tremujorit të tretë, rritja e investimeve totale në ekonomi reflektoi kontributin e lartë pozitiv nga investimet publike.
Të dhëna të tjera mbështetëse tregojnë se përshpejtimi i investimeve totale u përcaktua nga rritjet e investimeve në ndërtim dhe nga investimet në makineri dhe pajisje.
Vlera e shtuar në ndërtim u rrit 18.5% në tremujorin e katërt, e cila është edhe rritja më e lartë që nga fillimi i matjes së serisë, dhe importi i mallrave kapitale shënoi një rritje prej 9.6%.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.