Ndërtoi pa leje, Prokuroria nis procedim penal ndaj kreut të FSHF-së, Armand Duka

Nismës së qeverisë për të vendosur para drejtësisë të gjithë ata që ndërtojnë pa leje nuk i ka shpëtuar as kreu i Federatës Shqiptare të Futbollit, Armand Duka.

Prokuroria e Durrësit ka nisur procedimin penal në mungesë ndaj Presidentit të Federatës Shqiptare të Futbollit, Armand Duka.

Mësohet se kreu I FSHF-së ka ndërtuar një shtesë pa leje ndërtimi ngjitur me banesën e tij. Ndërtesa ndodhet në lagjen numër 4 të qytetit të Durrësit.

“Më datë 17.03.2015 filloi procedimi penal në mungesë ndaj shtetasit Armand Enver Duka, 53 vjeç banues në Durrës, pasi rreth orës 11:30 ngjitur me banesën e tij ka ndërtuar një shtesë pa leje ndërtimi. Materialet i kaluan Prokurorisë së Rrethit Gjyqësor Durrës për veprën penale “Ndërtim pa leje” bazuar ne Nenin 199/a i K.P”, thuhet në njoftimin zyrtar të Policisë së Durrësit.