Në kërkim ndërkombëtar për trafikim droge, arrestohet në Durrës 33-vjeçari! Pritet ekstradimi drejt Italisë

Një 33-vjeçar është arrestuar këtë të premte nga Policia e Durrësit, pasi ishte në kërkim ndërkombëtar nga Italia.

Sipas raportimeve të policisë, në pranga ka rënë 33-vjeçari M. T., i cili ëshë shpallur në kërkim ndërkombëtar pasi Gjykata Penale e Breshias i ka caktuar masën e sigurisë “Arrest në burg”, për veprat penale “Trafikimi i narkotikëve” dhe “Pjesëmarrja në organizatë kriminale”

“Si rezultat i koordinimit informativ dhe operacional me homologët në Itali, nëpërmjet Interpol Tiranës, si dhe i veprimeve të shpejta policore, specialistët e Sektorit për Hetimin e Narkotikëve, të DVP Durrës, finalizuan operacionin e koduar “Next”, gjatë të cilit u lokalizua në Durrës, u kap dhe u arrestua me qëllim ekstradimin në Itali, shtetasi:

-M. T., 33 vjeç, banues në Shijak.

Ky shtetas ishte shpallur në kërkim ndërkombëtar pasi Gjykata Penale e Breshias i ka caktuar masën e sigurisë “Arrest në burg”, për veprat penale “Trafikimi i narkotikëve” dhe “Pjesëmarrja në organizatë kriminale””, thuhet në njoftimin e policisë.

Interpol Tirana, në bashkëpunim me homologët italianë, vijon procedurat për ekstradimin e këtij shtetasi, në Itali.