Nicole Kidman: Do të hiqja dorë nga karriera për Tom Cruise

Nicole Kidman ka bërë një rrëfim të rrallë për martesën e saj me Tom Cruise, duke pranuar se në atë kohë e vendosi dashurinë përpara karrierës.

“U dashuruam marrëzisht dhe ishte kaq e thjeshtë,” tha Kidman në një intervistë për British Vogue. “Më thoshin se kjo do të ndikonte në karrierën time, por nuk më interesonte. Doja të isha e martuar me njeriun që doja.”

Aktorja fituese e Oscarit shtoi se në atë periudhë ishte e gatshme të sakrifikonte gjithçka për marrëdhënien e tyre. “Sigurisht që do ta flijoja karrierën time. Nuk më interesonte,” u shpreh ajo.

Kidman dhe Cruise u njohën gjatë xhirimeve të filmit “Days of Thunder” dhe u martuan në vitin 1990. Çifti adoptoi dy fëmijë, Isabella dhe Connor, përpara se të divorcohej në vitin 2001.

Aktorja ka treguar më parë se ishte “shumë impulsive dhe naive” kur u martua në fillim të të njëzetave. Pas divorcit, ajo u përqendrua fuqishëm te puna dhe arriti sukses të madh me filma si “Moulin Rouge!”.

Në intervistën e fundit, Kidman foli edhe për divorcin e saj të dytë nga këngëtari Keith Urban, me të cilin ishte e martuar nga viti 2006 deri në 2025. Ajo pranoi se ndarja nuk bëhet më e lehtë herën e dytë.

“Çdo herë është diçka e re,” tha ajo, duke shtuar se sot ndihet më e qetë përballë vëmendjes së mediave ndaj jetës së saj personale.

Kidman përfundoi duke thënë se po “përqafon dashurinë” në këtë fazë të re të jetës së saj.