Nis aksioni në Himarë, banorët protestojnë kundër shembjeve
Me flamuj grekë, por dhe amerikanë, banorë të Himarës kanë pritur me protesta fadromat e IKMT këtë mëngjes. Në qytet nisi prishja e ndërtimeve që pengojnë projektin e rikualifikimit urban.
Deri në orën 11.00 janë prishur 8 objekte kryesisht shtesa pallatesh,mure, garazhe si dhe një pikë karburanti në hyrje të qytetit të Himarës. Janë gjithsej 23 objekte që pritet të prishen në Himarë për t’i hapur rrugë planit për rikualifikimin e qytetit, i cili ka shkaktuar tensione edhe me Athinën zyrtare.
Ndërkohë policia e Vlorës bën të ditur se janë angazhuar 163 forca policore, prej të cilave 10 janë nga FNSH e Fierit. Policia thotë se është shoqëruar një person në komisariat. Ai ka tentuar t’i vërë flakën një autoboti me gaz brenda një ndërtese që po prishej.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.