Nishani apel palëve politike për reformën në drejtësi

Presidenti Nishani apeloi që palët politikë të gjejnë rrugën e bashkëpunimit për të çuar përpara reformën në drejtësi, një nga 5 prioritetet kyçe për reformën në drejtësi. Në pritjen me me trupin diplomatik, kreu i shtetit kërkoi që ky proces të udhëhiqet nga parimet e Komisionit të Venecias.

“Procesi mund të rigjallërohet përmes bashkëpunimit të hapur e vullnetmirë në kornizën kuadër që ka ofruar Komisioni i Venecias.Përfitoj nga rasti, t’u bëj edhe një herë thirrje të gjitha palëve, politike dhe të shoqërisë civile, që me transparencën e nevojshme dhe duke i qëndruar besnikë angazhimit të parë për të përqafuar frymën dhe orientimet tashmë eksplicite të Komisionit të Venecias, të dakordësojnë sa më parë paketën ligjore. Në këtë frymë konstruktive do të vazhdoj të mbështes plotësisht dhe të lehtësoj, nëse nevojitet, çdo përpjekje e angazhim.”