Numri i pasagjerëve të transportit ajror, Rama: Rritje mbresëlënëse!
Kryeministri Rama e nisi ditën e sotme në profilin e tij në “Facebook” me postimin e disa shifra të Ministrisë së Infrastrukturës dhe Energjisë në lidhje me numrin e pasagjerëve të transportit ajror.
Në grafikun e publikuar nga Kryeministri bëhet një krahasim i numrit të pasagjerëve të transportit ajror të 6 viteve të fundit, të cilët janë shtuar me gati 400 mijë krahasuar vitin 2018 me 2013 në periudhën janar-maj.
Rama shkruan se hyrjet e të huajve në vendin tonë gjatë kësaj periudhe janë rritur me 9.7 përqind në 2018 gjatë periudhës janar-maj krahasuar me të njëjtën periudhë të një viti më parë.
“Me këto tregues të rritjes mbresëlënëse gjatë 6 viteve të fundit në numrin e pasagjerëve të transportit ajror, si edhe me lajmin e mirë që në 5 muajt e parë të vitit, hyrjet e të huajve në vendin tonë janë rritur me 9.7% krahasuar me të njëjtën periudhë të një viti më parë, ju uroj një ditë të bukur”, shkruan Rama.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.